ВИДЕО: Џонсон ја крена ногата на маса додека разговараше со Макрон

Од:

Од стапувањето на должност на новиот британски премиер Борис Џонсон минаа месец дена до неговото прво патување во странство, но затоа, пак, тој брзо се раскомоти во резиденцијата на францускиот претседател Емануел Макрон, каде што во еден момент ја крена ногата и ја стави на блиската масичка, пренесува „Ројтерс“.

Џонсон беше снимен како на шега ја крева ногата и го потпира стапалото на маса во Елисејската палата, по што ги поздрави фоторепортерите во собата, додека Макрон, гледајќи во тоа, се чини дека се забавуваше, пренесе агенцијата.

Ова се случи откако двајцата лидери се обратија пред новинарите во дворот на Елисејската палата, каде Макрон предупреди дека нема доволно време за целосно да се измени договорот за брегзит пред 31 октомври, кога истекува рокот на Велика Британија за напуштање на ЕУ.

Елисејската палата соопшти дека разговорите биле конструктивни и темелни.

Би можело да ве интересира

САД официјално ја потврдија ликвидацијата на синот на Осама бин Ладен

ВИДЕО: Нови демонстрации на жолтите елеци – осумнаесет лица се уапсени

Татјана Ташкова

Два милиони француски работници живеат под прагот на сиромаштијата

Жан Мари Ле Пен обвинет за проневера на јавни средства

Трамп го продолжи трговското ембарго кон Куба за една година

Откако Трамп кажа дека „преговорите се мртви“ талибанците заминаа на средби во Русија