Страотен инцидент се случи попладнево во Германија, кога возач на џип влета со голема брзина во пешачка зона и газеше луѓе цел километар пред да запре.
Загинати се најмалку четворица луѓе, меѓу кои и татко и бебе, јавија германските медиуми, а има и преку десет повредени лица.
Според полицијата, возачот, кој е уапсен, е 51-годишен локален жител на градот Трир. Снимка од апсењето беше објавена на социјалните мрежи.
BREAKING – Car plows through pedestrians in the German city of Trier, at least 2 dead, 10 injured. The police rammed the car and arrested the driver.pic.twitter.com/oQHM83arwv
— Disclose.tv ? (@disclosetv) December 1, 2020
Еден од очевидците рекол дека голем сив „Ренџ Ровер“ поминал низ пешачката зона со огромна брзина и дека луѓето ги „фрлал во воздух“.
Полицајците ги предупредиле луѓето да го избегнуваат местото на несреќата.
Локалните медиуми известуваат дека полицијата уште не знае кои биле мотивите на возачот за инцидентот.