Неидентификуван напаѓач држи околу 20 луѓе како заложници во експозитура на Банката во Грузија во градот Зугдиди, соопшти полицијата.
Се водат преговори со напаѓачот. Според локалните медиуми, тој побарал половина милион долари. Разбојникот носи маска и воена маскирна униформа. Тој според извештаите им дал два часа на полицијаците да го исполнат неговото барање, кои веќе изминаа.
Полицијата уште информира дека напаѓачот ослободил една бремена жена. Сведоците пријавиле пукање, но засега не е јасно дали има повредени.
JUST IN: A video showing the situation in Zugdidi, where an unknown man armed with a grenade and a machine gun has taken employees and clients hostage at a Bank of Georgia branch office has emerged online https://t.co/iyfz3oh5l5 pic.twitter.com/2CD9F7j4bB
— Sputnik (@SputnikInt) October 21, 2020
Специјалните единици на полицијата се распоредени пред банката. Еден од вработените кој успеа да излезе од зградата рече дека напаѓачот пукал неколкупати и побарал од вработените да легнат на земја.