Судирите меѓу Азербејџан и Ерменија за спорниот пограничен регион Нагорно-Карабах се разгоруваат и стануваат сè покрвави со секој ден, а двете земји објавуваат видеа од фронтот на кои може да се види размерот на уништувањето.
Азербејџан денеска објави вознемирувачка снимка на која се гледа напад со ракета од дрон врз група од триесетина ерменски војници, кои растовараат камион.
Војниците, според азербејџанската војска, биле дел од резервниот состав на ерменската армија, а на видеото е прикажано како се погодени со директен удар од ракетата испукана од беспилотното летало.
Моќната експлозија ја уништува целата локација на нападот, а на снимката може да се види како војниците се буквално разнесени од силината на ударот.
NAGORNO KARABAKH: Azerbaijan's MoD release footage of a drone strike against a gathering of soldiers unloading a truck. pic.twitter.com/FYehSaFcr5
— Conflict News (@Conflicts) September 30, 2020
Според информациите од завојуваните земји, во досегашните судири меѓу Ерменија и Азербејџан загинале по повеќе стотици војници од двете страни, а на обновените непријателства околу долготрајниот спор за Нагорно-Карабах не им се гледа крајот.
Во Ерменија е објавена задолжителна мобилизација на сите мажи од 18 до 55 години, на кои им е и забрането да ја напуштаат земјата. Во Азербејџан е прогласен полициски час, а во тек е мобилизација на резервниот армиски состав.