Спасувачите во индискиот град Махад извлекоа живо четиригодишно момче од урнатините на петкатна зграда која се срушила поради невреме.
Голем број луѓе останале затрупани под урнатините, а тимовите спасувачи цел еден ден се обидувале да стигнат до преживеаните.
#WATCH: A 4-year-old boy was rescued from under the debris at the site of building collapse in Mahad, Raigad. #Maharashtra pic.twitter.com/polMUhzmqN
— ANI (@ANI) August 25, 2020
На тимовите за спасување им се приклучиле жителите на местото, како и роднините на исчезнатите, со цел да помогнат во потрагата по преживеани. Најмалку 76 лица биле пронајдени живи, а меѓу нив е и четиригодишното момче.
Детето е извлечено прекриено во прашина, а имало само полесни повреди и не се наоѓа во животна опасност.
Сепак, мајката на детето загинала во несреќата, а нејзиното тело било откриено кратко време по извлекувањето на момчето, им изјави локален претставник на властите на новинарите.
Најмалку девет лица ги загубија своите животи во урнатата зграда, а неколкумина се уште се под урнатините и спасувачите се борат да стигнат до нив.
Локален полицаец изјави дека зградата паднала како „куќа од карти“, а според информациите кои доаѓаат од тамошните медиуми, објектот бил изграден пред шест години , а во него живееле околу 200 станари.