Британскиот министер за одбрана Бен Валас денеска извести дека во Украина се користени ракети со долг дострел Storm Shadow, испорачани од Обединетото Кралство.
„Сè што можам да кажам е дека разбирам дека тие се користени откако го објавивме нивното распоредување во Украина, но нема да навлегувам во други детали“, изјави Валас денеска за Sky News.
Тој додаде дека системите за оружје кои западните сојузници и ги дадоа на Украина се „силни“ и „значајни“.
Скај њуз во својата анализа забележува дека употребата на британски ракети е „значајна“ вест.
„Беше многу значајно кога ОК потврди дека и доставила на Украина ракети Storm Shadow, рече уредничката Дебора Хејнс.
„Тоа се крстаречки ракети со долг дострел, па, како што рече министерот за одбрана, им дава можност на Украинците да стигнат многу подалеку во украинската територија контролирана од Русија, која досега беше надвор од дострелот“, објаснува Хејнс.
„Бидејќи Велика Британија соопшти дека не размислува за испраќање борбени авиони, овие проектили се следната најдобра работа“, додава.
Таа исто така рече дека иако не е потврдено против што биле распоредени проектилите или дали биле успешни, но јасно е дека тоа е „клучна нова способност за Украина“.