Главна „ѕвезда“ во шведските медиуми овие денови е 15-годишниот Босанец Јасмин Османовиќ, кој е опишан како херој откако спасил жена од сигурна смрт во пожар во Гетеборг.
Јасмин во разговор за државната телевизија СВТ изјавил дека забележал како од соседната зграда излегува чад и ги слушнал повиците за помош.
„Пожарот само што беше избил, а густ чад излегуваше низ прозорот. Без размислување се качив од надворешната страна на вториот кат. Ја зедов жената за рацете и ја спуштив од прозорот. Луѓето кои беа под прозорот ја спасија“, вели Османовиќ, чие херојско дело е забележано и на снимка.
Жената која ја спасил Османовиќ се вика Икрам Иса Мухамед и по потекло е од Сомалија. Таа му се заблагодари на 15-годишното момче, чиј прекар е Мики.
„Ти благодарам што ми го спаси животот“, рече Мухамед.