Шпанскиот крал Фелипе Шести се соочи со гневните демонстранти при посетата на регионот Валенсија, кој беше погоден од катастрофални поплави.
На снимките се гледа како бесните жители извикуваат „убиец“ и „срам“ кон кралот. Го прашуваат и зошто ништо не е преземено за да се избегне трагедијата.
Најлошите поплави во Шпанија во последните децении оставија цели населби покриени со кал и со расфрлани, извалкани автомобили и остатоци.
Во поплавите загинаа повеќе од 200 луѓе, а многу повеќе се водат како исчезнати. Службите заспасување продолжуваат да ги пребаруваат подземните паркиралишта и тунелите со надеж дека ќе најдат преживеани и ќе извлечат тела.