ВИДЕО: Бавно оди извлекувањето на бродот од Суецкиот канал, Русија нуди помош

Од:

Рускиот амбасадор во Египет ѝ понуди на египетската влада „секаква можна помош“ за деблокирање на Суецкиот канал, кој е блокиран од товарен брод со контејнери долг 400 метри.

Бродот „Евергрин“ се заглави во вторникот во Суецкиот канал за време на песочна бура, блокирајќи една од најпрометните рути во светот.

Москва е подготвена да помогне на сите можни начини, изјави рускиот амбасадор Георги Борисенко.

„ Се надеваме дека овој проблем ќе биде решен во многу блиска иднина, дека каналот повторно ќе профункционира и, се разбира, подготвени сме да им ја пружиме сета можна помош на нашите египетски пријатели“, рече тој.

Египет не побара помош од Москва, но Русија „сочувствува со она што се случува во моментот во Суецкиот канал, важна поморска рута за целиот свет“, додаде тој.

Египетските власти се обидуваат да го одвлечат бродот шести ден по ред користејќи десетина реморкери (бродови за влечење) и багери кои копале песок под бродот.

Светските превозници размислуваат за испраќање на товарни бродови преку Ртот добра надеж во Јужна Африка, подолга и поскапа рута помеѓу Азија и Европа поради блокадата на каналот.

Русија оваа недела понуди да го пренасочи сообраќајот кон северната траса на Арктикот, што е за 15 дена пократко.

Би можело да ве интересира

ВИДЕО: Спасувачка драма во Хрватска, на Полјаци им се расипал катамаранот на силно невреме

Катерина Павлова-Николовска

Приведени капетанот и неговиот заменик од турскиот брод „Вера Су“, што се насука во Црно море

А1он

ИОМ: Најмалку 57 лица се удавија во превртен брод кај либискиот брег

Жарко Настоски

Контејнерскиот брод „Евер Гивен“ го напушта Суецкиот канал што го затна во март

Жарко Настоски

Египетски суд дозволи да се пушти бродот што го затна Суецкиот канал

Жарко Настоски

Осигурителите се договорија – 550 милиони долари отштета за бродот што го заглави Суецкиот канал

Жарко Настоски