ВИДЕО: Бајден официјално ги претстави првите луѓе на новата администрација

Од:

Новоизбраниот претседател на САД, Џо Бајден, денеска ги претстави првите луѓе во новата администрација, која ќе ја преземе власта од 20 јануари.

-Овој тим ги отелотворува основните верувања дека Америка е најсилна кога работи со своите сојузици, порача Бајден. Укажа дека Вашингтон по четири години пауза се враќа на меѓународната сцена со интензивна дипломатија и зацврстување на мултиратералата.

За нов државен секретар на САД е номиниран Ентони Блинкен, поранешен заменик-државен секретар, заменик-советник за национална безбедност и советник за национална безбедност на потпретседателот на САД во администрациите на Барак Обама и неговиот потпретседател Бајден. Сите функции ги извршувал од 2009 до 2017 година.

Алехандро Мајоркас е избран за секретар за домашна безбедност. Мајоркас е поранешен заменик секратар за домашна безбедност (2013-2016), директор на Службата за државјанство и имиграција (2009-2013), како и партнер во правната фирма „Вилмерхејл“. Мајоркас има кубанско и еврејско потекло.

Аврил Хејнс е избрана за директор на националното разузнавање на САД. Таа е поранешен заменик за национална безбедност во админстрацијата на Обама, и заменик дирекор на ЦИА (2013-2015). Хејнс е првата жена во историјата на САД ставена на позиција да го води разузнавањето на земјата.

Афроамериканката Линда Томас Гринфилд, е номинирана за амбасадор на САД во ОН. Таа е поранешен заменик секретар во Бирото за африкански работи и пензиниран дипломат со 35 годишно искуство.

Џејк Саливан е избран за советник за национална безбедност на Бајден. Тој е поранешен постар советник и советник за нацинална безбедност на потпретседателот Бајден, како и заменик шеф на кабинетот на екс претседателот Бил Клинтон.

Поранешниот државен секретар Џон Кери презема новооформена функција во Админстрацијата – специјален амбасадор за климатските промени на претседателот на САД. Кери е поранешен државен секратар (2013-2017) и во неговиот мандат го потпиша Парискиот договор за климатски промени од кого САД излегоа со доаѓањето на претседателот Доналд Трамп на власт во 2017 година. Кери претседаваше со Комитетот за надворешни работо на американскиот Сенат (2009-2013).

Неговата избрана потпретседателка, Камала Харис, порача дека „овие мажи и жени се патриоти и јавни службеници во својата срж, тие се лидери кои во овој момент најмногу ни требаат“.

Би можело да ве интересира

Џонсон: Се радувам на соработката со Бајден

Ана Ололовска

Бајден побара проценка за заканата од насилен екстремизам во САД

Ана Ололовска

Обрадор: Пријатно и со почит во разговорот со Бајден

Ана Ололовска

Трудо е првиот странски лидер кој разговарал со Бајден

Ана Ололовска

Бајден го извадил „копчето за Кока-кола“ што Трамп го вгради во претседателскиот кабинет

Жарко Настоски

Бајден: Следниот месец веќе ќе имаме половина милион мртви, вакцинирањето досега е „мрачен неуспех“

Жарко Настоски