Во САД се одржа последната дебата помеѓу кандидатите за претседател, Доналд Трамп и Џо Бајден, на која се дебатираше за борбата против Ковид-19, криминалот во земјата, даночните политики, како и за проблемите со илегалната имиграција.
Кандидатите се осврнаа и кон најновиот скандал во САД, околу обвинувањата дека демократскиот кандидат Џо Бајден бил вмешан во странски деловни зделки на неговиот син Хантер.
Извештаите во последните неколку денови покажаа дека Бајден учествувал во надворешни деловни зделки на неговиот син, дури и наводно долги години профитирал, објави весникот „Њујорк Пост“.
Доказите за вмешаноста на Бајден беа најпрвин откриени од поранешниот градоначалник на Њујорк и советник на Трамп, Руди Џулијани.
Оваа тема ја искористи Трамп во дебатата, додека Бајден негираше дека заработил пари од странски извори.
TRUMP: "I think you owe an explanation to the American people."
BIDEN: “I have not taken a penny from any foreign source in my life." pic.twitter.com/3PKTVFi57t
— Breaking911 (@Breaking911) October 23, 2020
Карактеристично за последната дебата беше исклучувањето на микрофоните на кандидатите бидејќи тие не се слушаа меѓусебно за време на дебатата.
Во салата остро се дебатираше и за имиграциската политика, со тоа што Бајден ја осуди политиката на Трамп за разделување на семејствата на границата со Мексико, додека претседателот одговори дека администрацијата планира да ги обедини семејствата, но само на легален начин.
Biden: “Kids were ripped from their parents’ arms—separated—& now they can’t find over 500 sets of their parents. And those kids are alone—nowhere to go. It’s criminal.”
Trump: “They’re in facilities that are so clean.”
America, the choice is clear. #Debate2020 #VoteBidenHarris pic.twitter.com/9S4OjHvu2F
— Dean Wallace ?? (@deanofdublin) October 23, 2020
За разлика од Трамп кој го обвинуваше демократскиот кандидат за криминалните активности заедно со неговиот син, Бајден ја искористи аферата за неплаќањето на даноци на претседателот како главно оружје.
Тој неколкупати ги повтори обвинувањата кон Трамп дека не плаќа данок, на што претседателот одговори дека платил милиони долари.
Тие дебатираа и за политиките кон Афроамериканците и расизмот во државата.
„Доналд Трамп е најрасистичкиот претседател во модерната историја на САД“, рече Бајден, на што Трамп одговори дека тој е последната личност што треба да се набеди за расизам.
Donald Trump is the most racist president in modern history. pic.twitter.com/6GyKSbRoHA
— Joe Biden (@JoeBiden) October 23, 2020
За време на дебатата, тие разговараа и за Кина, Северна Кореја, здравствениот систем, економијата и климатските промени.
Претседателот Трамп ги бранеше политиките за градење на добри односи со севернокорејскиот лидер Ким Џонг Ун.
„Да се има добар однос со лидерите на други земји е добра работа“, рече тој, на што Бајден одговори: „Имавме добри односи и со Хитлер пред тој да го нападне остатокот од Европа“.
Watch Joe Biden criticize President Trump's relationship with North Korea's leader, Kim Jong-un, during Thursday night's debate. Biden likened Trump’s actions to the appeasement of Adolf Hitler before World War II.https://t.co/6By5aNYEzd pic.twitter.com/2B5WKD8vGX
— The New York Times (@nytimes) October 23, 2020
„Секој што е одговорен за толку многу смртни случаи не треба да остане претседател на Соединетите Американски Држави“, рече Бајден за постапувањето на Трамп со пандемијата во која загинаа над 200.000 Американци.
Pres. Trump defended his response to coronavirus, claiming that far fewer Americans have died than models predicted.
Joe Biden shot back that 220,000 have died and that "anyone who’s responsible for that many deaths should not remain as president." https://t.co/IRHUnOXrpg pic.twitter.com/QbUbV4qZnN
— ABC News (@ABC) October 23, 2020
„Не можеме да се заклучиме во подрум како што тој го прави тоа … на Бајден му прилега таа работа“, рече Трамп, повторувајќи ги неговите претходни пораки до Американците да не се плашат од вирусот.
Овие коментари ги содржеа двете различни визии за тоа како да се справи популацијата со пандемијата, но и со другите прашања кои беа презентирани од двајцата кандидати за највисоката функција во САД.
Како и на претходната дебата, така и на оваа, кандидатите не изградија заеднички став за било која тема, „обвинувањата и навредите беа главна карактеристика на последната дебата“, оценија аналитичарите.