Американскиот претседател Џо Бајден го искористи својот прв говор во Овалната канцеларија на неговото претседателствување за да прогласи победа откако двопартискиот договор за зголемување на плафонот на долгот помина во двата дома на Конгресот, избегнувајќи економски хаос.
Претседателот ги пофали републиканските и демократските преговарачи и го пофали претседателот на Претставничкиот дом Кевин Мекарти за соработката со него на договорот, кој двајцата го финализираа само неколку дена пред Министерството за финансии да остане без пари за плаќање на државните сметки.
Но, дури и кога им се заблагодаруваше на своите политички противници, Бајден укажа на разликите.
„Можеби тоа нема да им се допадне на републиканците, но ќе се погрижам богатите да го платат својот фер дел. Ќе се вратам и со ваша помош ќе победам“, рече тој. Обраќањето во Овалната соба му овозможи директно да разговара со американскиот народ, не во време на непосредна криза, туку да извести, како што и кажа на земјата, за избегната криза.
„Никој не доби сè што сакаше, но американскиот народ го доби она што му беше потребно. Спречивме економска криза, економски колапс“, нагласи тој, додавајќи дека планира да го потпише компромисниот закон за горната граница на долгот.