(Видео) Автобус со ученици од Сплит се запали во тунел во Швајцарија

Во тунел во Швајцарија целосно изгоре автобус кој превезувал сплитски средношколци.

Како што јавува „Далмација данас“, учениците навреме излегле од автобусот и нема повредени во несреќата. Сплитските ученици кои престојувале една недела во Швајцарија, се враќале од скијање, кога моторот на автобусот ненадејно се запалил и патниците благодарение на брзата реакција на возачот успеале за излезат надвор.

Според наводите на еден родител, на дел од учениците им изгореле документите и мобилните телефони, а се запалиле и дел од куферите.

“Ми се јави синот по несреќата и веднаш нагласи дека сите се добро. Сепак, првиот час го поминав во нетрпеливост бидејќи не знаев никакви детаљи, а по час време успеав да го добијам синот. Автобусот се запалил и изгорел во тунел. Во Швајцарија изминативе седум дена престојуваат на зимовање бројни ученици од повеќе сплитски училишта кои со три или четири автобуси денеска се враќаат кон Сплит“, изјави еден од родителите.

Водичот на групата, Гордан Драшинац истакна дека швајцарските служби интервенирале 10 минути по несреќата, а на средношколците им биле издадени привремени документи.

Учениците со друг швајцарски автобус тргнале за Милано, каде ќе ги презеде хрватски превозник кој ќе ги одведе дома. Во автобусот имало 52 патници кои се враќале од скијање, од кои 48 ученици.

Би можело да ве интересира

Над 40 швајцарски војници хоспитализирани со стомачни болки, четворица во критична состојба

Ана Ололовска

Швајцарија најдобра дестинација за живот за странци

Ана Ололовска

Швајцарската агенција Кејстон-СДА добитник на наградата на ЕАНА

Ана Ололовска

ВИДЕО: Десет лица повредени на лет од Приштина до Базел

Две жени загинаа во невреме во Швајцарија и Франција

Ана Ололовска

Маж уби две жени потоа се самоуби во Цирих

Татјана Ташкова