Десетици лути ирачки приврзаници на шиитите упаднаа во амбасадата на САД во Багдад кршејќи ја вратата. Според сведоци, употребен е солзавец и се слушнале истрели од огнено оружје.
Според најновите информации, припадниците на обезбедувањето во американската амбасада во Багдад употребиле шок-бомби врз демонстрантите пред влезот во зградата на амбасадата.
Агенцијата АП известува дека има пожар во амбасадата, како и дека најмалку тројца американски војници се на покривот на зградата.
Според Ројтерс, се слушнале четири гласни експлозии.
#Breaking: Just in – Reports that #Hezbollah supporters are burning the back wall outside the #US embassy in #Baghdad's green zone in #Iraq, and are willing to storm inside the building to destroy everything inside. pic.twitter.com/LbFpURqTjX
— Sotiri Dimpinoudis (@sotiridi) 31 décembre 2019
Засега не се познати причините за пожарот, но се наведува дека маж кој стои пред зградата кој со помош на мегафон извикува да не се влегува во зградата и дека е испратена „порака“.
Двајца полицајци се повредени откако беа фрлени бомби, очигледно од амбасадата, за да ги присилат демонстрантите да се разидат, изјави сведок за Ројтерс.
Крв можеше да се види на лицето на еден полицаец и на стомакот на другиот додека колегите ги носеа од местото на настанот, рече сведокот.
Претходно, неколку илјади луѓе се собраа пред амбасадата за да го искажат своето незадоволство над американските воздушни напади во кои загинаа 25 шиитски војници.
Толпата вика „Долу САД“ и „Смрт за САД“ и фрлаат пластични шишиња и камења врз амбасадата.
„Затворено во име на отпорот“, напишано е со спреј на ѕидот на зградата.
Некои учесници носат воени униформи и поставуваат шатори пред амбасадата на САД.