[staff name=”Eлена Георгиевска” position=”Автор”][/staff]Еден од најпознатите британски телевизиски актери, ѕвездата од серијата „Coronation Street“, Мајкл Ле Вел (48) е обвинет за силување и злоставување на деца.
Актерот кој веќе 30 години игра во популарната серија, тврди дека е невин по сите точки во обвинението.
-Сосема е јасно дека сум невин, енергично ќе се борам против сите обвиненија – изјави тој.
Ле Вел татко на две деца, прв пат беше притворен во 2011 година, кога една тинејџерка пријави дека ја злоставувал на нејзините 6 години. Но, актерот три месеци подоцна беше ослободен поради недостаток на докази.
Случајот повторно е вратен и Ле Вел е обвинет за 19 сексуални престапи, вклучувајќи и силување на дете.
Актерот е исфрлен од серијата, а директорот изјави дека нема да се појави во ниту една епизода, додека не заврши судскиот процес.