Верлинден: Протестите од Холандија може да се пренесат во Белгија

Од:

Белгиската министерка за внатрешни работи Анелис Верлинден предупреди дека протестите против мерките за контрола на коронавирусот во Холандија може да се пренесат во Белгија и им издаде инструкции на локалните власти како да се ограничи ризикот од пренесување на инфекцијата за време на можни немири.

Откако на социјалните мрежи се појавија повици за протести против строгиот карантин и ноќниот полициски час, таа оцени дека насилните протести во Холандија најверојатно инспирирале одредени луѓе да повикаат на демонстрации против здравствените мерки.

Во писмото до белгиските градоначалници, Верлинден наведува дека тие треба да спречат какви било демонстрации што ќе се одржат без одобрување.

Таа потсети дека не треба да учествуваат повеќе од 100 лица на одобрените протести, дека мора да се почитуваат физичките растојанија, маските се задолжителни, а прошетките забранети.

Верлинден додаде дека властите можат да ја користат полицијата доколку е потребно.

Белгија е една од најзагрозените земји во Европа, а во таа земја со 11 милиони жители досега починале повеќе од 20.800 луѓе од коронавирус.

Би можело да ве интересира

Холанѓани го кршат туристичкиот мраз во Грција: пристигнаа на Родос на тест-одмор под строги мерки

Жарко Настоски

Данска воведе „ковид пасоши“ за внатрешна употреба, во Холандија ќе се тестираат посетители на влезовите од музеите

Жарко Настоски

Холандија до 7 април го прекина во целост вакцинирањето со „Астра Зенека“

Ана Ололовска

Се намалуваат шансите за нова влада на Холандија

Ана Ололовска

Холандскиот премиер во небрано, го фатија дека го лажел Парламентот

Жарко Настоски

Прекинати разговорите за нова холандска Влада по вториот случај на Ковид-19 меѓу преговарачите

Ана Ололовска