Венецуелскиот претседател Уго Чавес изјави дека неговата земја ќе запре со испораката на нафта за Парагвај во знак на протест против одлуката за разрешување на досегашниот парагвајски претседател Фернандо Луго.
Според Чавес разрешувањето на Луго е незаконско и Венецуела нема да ја признае новата парагвајска влада.
Одлуката на парагвајскиот Парламент за разрешување на Луго предизвика силно несогласување во Латинска Америка.
Аргентина, Бразил, Венецуела, Еквадор, Колумбија, Уругвај и Чиле ги повлекоа своите амбасадори од Парагвај поради разрешувањето на Луго, а Перу планира да го стори тоа во брзо време.
Јужноамериканската регионална организација Меркосур го лиши Парагвај од правото да учествува во претстојниот форум во Аргентина на 28 и 29 јуни.