Велика Британија очекува Кина да се придржува кон меѓународното право

Од:

Велика Британија очекува дека Кина ќе се придржува кон меѓународното право, изјави денеска портпарол на британскиот премиер Борис Џонсон на прашањето што ќе преземе Лондон ако Пекинг ги спречи луѓето во Хонгконг кои имаат британски прекуморски статус (БНО) да го напуштат истиот.

Британија понуди пат до државјанство за околу три милиони луѓе во Хонгконг, откако соопшти дека Кина ги прекршила условите на договорот за примопредавање од 1984 година со наметнување на новиот закон за безбедност.

– Веќе одредивме што ќе обезбедиме за БНО… Очекуваме Кина да ја разбере важноста на придржувањето кон меѓународното право, нагласи портпаролот на Џонсон.

Тој повтори зошто Британија ги преземала соодветните чекори.

– Усвојувањето и наметнувањето на законот за национална безбедност претставува јасно и сериозно кршење на заедничката декларација, односно се крши високиот степен на автономија на Хонгконг, додаде портпаролот на британскиот премиер.

Претходно, кинескиот амбасадор во Лондон, Лиу Џиаоминг ја обвини Велика Британија дека се меша во внатрешните работи на Кина и дава несоодветни приговори откако во Пекинг беше усвоен законот за национална безбедност. Лиу, меѓу другото, наведе дека понудата на Велика Британија да им даде државјанство на жителите на Хонгконг е „чекор што претставува сериозно мешање во внатрешните прашања на Кина“.

Би можело да ве интересира

(ВИДЕО) Во Кина: Експлозија на гас во ресторан, две лица загинаа, 26 се повредени

Горан Наумовски

Кина: Нема добро оправдување за масакрот на цивилите во Газа

Горан Наумовски

Кина најави дека ќе ја „трансформира економијата“, се очекува голем раст

Горан Наумовски

Британците повеќе не ја сметаат Германија за сигурен сојузник

МНР го осуди нападот врз цивилите во Газа: Ова е кршење на меѓународното право

Орце Костов

Земјотрес со јачина од 5,8 степени по Рихтер ја погоди границата меѓу Киргистан и Кина