Сириската Курдска милиција вечерва објави дека портпаролот на џихадистичката група Исламска држава Абу ал-Хасан ал-Мухаџир е убиен во заедничка акција на Курдите и американски сили во северна Сирија.
Сириските демократски сили (СДФ), објавија дека Абу ал-Хасан ал-Мухаџир е убиен во близина на сирискиот пограничен град Јараблус, според разузнавачките информации што им ги дале СДФ и американската војска.
Главниот командант на СДФ, Мазлум Абди, рече дека нападот е „продолжение на претходната операција“ во која беше убиен Абу Бакр ал-Багдади, водач на Исламската држава.
Абу Бакр ал-Багдади, беше убиен во операцијата на американските специјални сили во североисточна Сирија, која нанесе сериозен удар на џихадистичката група.