Вашингтон: Пакистан да дозволи САД да организираат судење за убиецот на новинарот Даниел Перл

Од:

Белата куќа ја осуди одлуката на Врховниот суд на Пакистан да го ослободи Ахмед Омар Саед Шеик, терористот осуден за обезглавување на американскиот новинар Даниел Перл во 2002 година.

Џен Псаки, портпаролката на Белата куќа, на денешниот брифинг со новинарите, изјави дека САД се „вознемирени“ од ослободувањето на одговорните за киднапирањето и убиството на Перл, настан „што ја шокираше светската јавност во 2002 година“.

Перл беше новинар на весникот Волстрит журнал.

За убиството и киднапирањето на Перл, Саед беше осуден на смрт. Но неговиот случај беше повторно отворен, и поради тврдења за недостаток од докази смртната казна лани беше отфрлена од провинциски суд. Семејството на Перл ја обжали одлуката, која беше отфрлена денеска од Врховниот суд на Пакистан.

Според Псаки, Саед останува в затвор во Пакистан и ја повика Владата на таа земја „по брза постапка да ги разгледа сите правни опции“, како на пример да дозволи САД да организираат судење и прогон на обвинетиот за убиството на Перл.

– Одлуката да се ослободат од вина осомничени за убиство е понижување за жртвите на тероризмот насекаде, вклучувајќи и во Пакистан, изјави Псаки.

Таа додаде дека САД се посветени на обезбедување правда за семејството на Даниал Перл и ставање на сите терористи насекаде пред лицето на правдата.

Би можело да ве интересира

Медведев: Се заканува трајна нестабилност, односите меѓу Русија и САД вратени во времето на Студената војна

Ана Ололовска

Бајден на самитот на НАТО лично ќе ги обновува односите со Европа

Жарко Настоски

Осуденик на смрт бара да го стрелаат, било помалку болно од инјекција

Жарко Настоски

САД се обврзаа да испуштаат двојно помалку штетни гасови до 2030 година

Жарко Настоски

Конгресмените усвоија закон со кој спречуваат нова „забрана за муслиманите“ во САД

Ана Ололовска

Бајден: Остварена е целта од 200 милиони дози вакцини за 100 дена

Ана Ололовска