„Вакцинираната“ Шпанија го избегна актуелниот голем бран на коронавирусот

Од:

Со највисока стапка на вакцинација меѓу големите европски земји, Шпанија е поштедена од новиот бран на инфекција со коронавирус кој се прошири на поголем дел од континентот, но експертите предупредуваат дека земјата сè уште е подложна на вирусот.

Шпанија, земјата која беше меѓу најтешко погодените на почетокот на пандемијата, во моментов има една од најниските стапки на инфекција во Европа – само 63 случаи на 100.000 луѓе во последните 14 дена.

Стапката е 12 пати повисока во Велика Британија и шест пати повисока во Германија и Полска.

Шпанскиот премиер Педро Санчез изјави дека еволуцијата на пандемијата во Шпанија е „позитивна“.

– Имаме повеќе од доволно причини да се чувствуваме горди на она што го постигнавме, додаде тој.

Околу 79 проценти од шпанската популација е целосно вакцинирана, во споредба со само 67 отсто од вакцините во Велика Британија и Германија.

Шпанија особено се издвојува по вакцинацијата на ранливите, постарите возрасни групи.

Повеќе од 99 отсто од Шпанците постари од 70 години се вакцинирани со двете дози.

Во Шпанија нема двоумење за вакцината, програмата за вакцинација беше правилно спроведена по возрасни групи, почнувајќи од најстарите и донесе добри резултати, рече Инаки Комас, истражувач во Биомедицинскиот институт во Валенсија.

Умерената клима во Шпанија, исто така, помогна да се спречи ширењето на вирусот бидејќи луѓето можат да се собираат на отворено.

И додека ограничувањата за бројот на присутни на собири се укинати, маските за лице сè уште се потребни на затворени јавни места.

Но, експертите предупредуваат дека со доаѓањето на постудено време, со опаѓање на заштитата што ја обезбедува вакцината со текот на времето и со новите варијанти што полесно се шират, стапката на зарази веројатно ќе се зголеми.

Би можело да ве интересира

Во Србија не стивнува бројот на новозаболени – евидентирани 19.063 заразени лица

А1он

Голем протест во Берлин против владината одлука за задолжителна вакцинација

А1он

„Џонсон и Џонсон“ оваа година очекува до 3,5 милијарди долари заработка од продажба на вакцини

А1он

Нови препораки за патување во земјите од ЕУ во текот на пандемијата

А1он

Во Србија најмногу новозаразени од почеток на пандемијата – 19.901 позитивни

А1он

Омикрон дефинитивно нема да биде последната верзија на коронавирусот, научниците предупредуваат на „Франкенштајн варијантата“

Ана Ололовска