Групата Вагнер, руска приватна платеничка воена група со блиски врски со Кремљ, на Телеграм објави дека нејзиниот „резидентен културен и информативен центар на пријателство и соработка „Orly“ е формиран во Србија, пренесува Danas.rs.
„Ние брзаме да ве запознаеме со новиот резидент на ПМЦ Вагнер центар – Руско-српски културно-информативен центар за пријателство и соработка Орли. Идеолог и водач на Центарот е Александар Лисов“, наведуваат на Телеграм.
Во соопштението потсетуваат дека во 2017 година „како резултат на неговите добротворни активности, приштинските власти го вклучиле Лисов на листата на лица на кои им е забранет влез на територијата на непризнатата Република Косово“.
„Пресметка со руски либерали кои заминаа во Србија“
Тие наведуваат и дека мисијата на центарот е „спроведување на јавна дипломатија“ чија цел е зајакнување и развој на пријателските односи меѓу Русија и Србија со помош на „меката моќ“.
„Орлите, како штитеници на ПМЦ Вагнер центарот, се ангажирани во информативна конфронтација со руските либерали кои заминаа во Србија и се обидуваат таму да извршат антируски активности со цел да ја дискредитираат Русија и да ги влошат односите меѓу рускиот и српски народ“, пишуваат во соопштението.
🚨 Several months ago I announced information security cooperation between Russia and Serbia and people told me I was paranoid! It’s happening & here’s the Wagner Center & cooperation with Serbia. What part of this message the West does not understand? https://t.co/OllUtozIVx pic.twitter.com/mQjirz5R8L
— Ivana Stradner 🇺🇸🇺🇦 (@ivanastradner) December 7, 2022
Реагирајќи на Твитер, Ивана Страднер, научен соработник на Американскиот фонд за одбрана на демократијата и експерт за хибридна војна, руска пропаганда и дезинформации, потсети дека пред неколку месеци најавила ваков тип на соработка меѓу Русија и Србија.
„Пред неколку месеци најавив соработка меѓу Русија и Србија на полето на информациската безбедност, а луѓето ми велеа дека сум параноична! Соработката меѓу Вагнер центарот и Србија се случува. Кој дел од оваа порака не го разбира Западот“, напиша Страднер на Твитер.