Претседателот на Руската Федерација Владимир Путин потпиша указ за внесување на измените во Уставот на земјата, за кои на референдум гласаа 77,92 проценти од руските граѓани.
Измените треба да стапат во сила на 4 јули, се вели во соопштението на прес-службата на Кремљ.
Путин во април му предложи на горниот дом на Парламентот, Федералниот совет, да внесе измени во Уставот, по што во Државната дума беше внесен конкретен предлог-закон. Гласањето се одржа меѓу 25 јуни и 1 јули, а по пребројувањето беше утврдено дека речиси 58 милиони руски граѓани гласале за предложените измени кои предвидуваат Путин да добие можност да остане на претседателската функција до 2036 година.