ВИДЕО: Ураганот Сенди го затвори седиштето на ОН, берзите и училиштата

Од:

Поради ураганот Сенди, во Њујорк денеска ќе биде затворено седиштето на ОН, а нема да работи и берзата, ниту училиштата.

„Седиштето на ОН во Њујорк ќе биде затворено до утре поради доаѓањето на ураганот Сенди, а сите планирани состаноци се откажани“, рече заменик портпаролот на ОН, Едуардо Дел Беј.

Нема да работи ниту берзата, која последен пат поради природна катастрофа беше затворена на 27-ми март 1985-та година поради ураганот Глорија.

Училиштата во Њујорк исто така ќе бидат затворени.

Според проценките на метеоролозите, ураганот Сенди во ноќта помеѓу понеделник и вторник ќе стигне до источниот брег на САД, а центарот на ударот би можел да биде Њу Џерси.

Бројот на жртвите од ураганот Сенди во Карибскиот регион се искачи на 65 луѓе.

Властите на Хаити соопштија дека при налет на ураганот загинале 51 човек. Жртви на Сенди има и на Куба, Јамајка, Порто Рико и на Бахами.

 

Би можело да ве интересира

ВИДЕО: Крвав напад со нож во САД, четворица мртви

На Малта ненадејно избувна невреме, загина нуркач, спасени 17 туристи

САД воведоа санкции за ентитети кои наводно им помагале на Хутите и Хезболах

САД бара од Украина да ги запре нападите врз руските рафинерии

(ВИДЕО) Пресметка меѓу мигрантите и Националната гарда на Тексас кај Ел Пасо

ВИДЕО: Американската милјардерка која со Тесла излета во езеро и се удави била пијана