Ураганот „Доријан“ се движи кон Канада

Од:

Ураганот „Доријан“ вчера на кратко време ги погоди островите Аутер Бенкс во американската Северна Каролина, носејќи со себе силни ветрови и бранови, а потоа се упати кон Канада.

Невремето го погоди Кејп Хатарас на Аустер Бенкс околу девет часот наутро, со налети на ветрот од 150 километри на час, соопшти Националниот центар за урагани.

„Доријан“ подоцна започнал да се оддалечува од средноатлантските земји и се упатил кон Канада, каде се очекува вечерва да донесе ветрови со јачина на ураган во делови од канадската провинција Нова Шкотска.

Невремето предизвика поплави на островот Окракок во Аутер Бенкс и прекин на електрична енергија, изјави пред новинарите гувернерот на Северна Каролина Реј Купер.

Ураганот ослабна до бура од категорија еден, но носи ветрови со јачина од 145 километри на час. Тоа е значително послабо од минатата недела, кога ги погоди Бахамите, при што загинаа најмалку 43 лица, известуваат локалните медиуми, додавајќи дека веројатно ќе се зголеми бројот на жртвите.

Би можело да ве интересира

ВИДЕО: Две лица загинаа во верижен судир на околу 200 возила во Канада

Ана Ололовска

Зариф: Жалбата на Канада нема правна основа

Ана Ололовска

ВИДЕО: Авион на „Ер Канада“ вонредно слета во Мадрид

Драган Поповски

Kанаѓаните не сакаат да плаќаат за безбедноста на Хари и Меган Маркл

Ана Ололовска

САД и Канада со нови санкции кон Русија поради анексијата на Крим

Ана Ололовска

(ВИДЕО) Шампањ: Канада ќе евакуира 160 свои граѓани од Кина