Упад во податоците на американска агенција одговорна за безбедноста на комуникациите на Белата куќа

Од:

Американска агенција, одговорна за безбедноста на комуникациите во Белата куќа, соопшти дека броевите за социјално осигурување и другите лични информации во нејзината компјутерска мрежа можно е да биле компромитирани. Ова се наведува во писмото испратено до лица чии податоци можеби биле украдени, јавија американски медиуми.

Писмото е датирано од 11 февруари 2020 година. Во него се вели дека помеѓу мај и јули 2019 година можно е биле компромитирани личните податоци „поради упад во базата“ на Агенцијата за заштита на информацискте системи (ДИСА).

Белата куќа се уште не одговорила на барањето за коментар и не се дадени дополнителни детали во писмото. На пример, не се прецизира кој специфичен дел од мрежата на ДИСА е нападнат, ниту податоците за кои други лица биле компромитирани.

Во ДИСА има персонал од 8.000 воени и цивилни лица.

Таа „обезбедува директна телекомуникациска и ИТ поддршка на претседателот, потпретседателот, нивните кабинети и Тајната служба“.

Според сајтот, агенцијата обезбедува и „директна поддршка“ на претседателот на Советот на началниците на американската армија, како и на високи воени претставници на САД.

Во писмото од агенцијата се додава дека нема докази дека се украдени лични податоци. Сепак, со закон се должни да ги известуваат лицата чии лични информации можеби биле погодени од кибер криминал.

Би можело да ве интересира

Американски научници: Ковид-19 нема да исчезне со затоплување на времето

Ана Ололовска

САД: Нема извоз на медицински производи ако на државата и се потребни

Ана Ололовска

САД/Ковид-19: Втор ден по ред околу 2.000 смртни случаи

Ана Ололовска

Трамп посакува економски бум во САД после епидемијата на Ковид-19

Ана Ололовска

„Џенерал моторс“ ќе произведе 30 илјади апарати за вештачка вентилација

Ана Ололовска

Разознавачи во САД уште во ноември предупредиле за опасната болест во Вухан

А1он