УНИЦЕФ предупредува на рекордно висок број на деца бегалци ширум светот

Од:

До крајот на 2021 година, повеќе деца отколку кога било од Втората светска војна се нашле во бегство поради конфликти, насилство и други кризи ширум светот, соопшти УНИЦЕФ.

dobivaj vesti na viber

Според УНИЦЕФ, околу 36,5 милиони деца биле принудени да ги напуштат своите домови, а речиси 22,8 милиони се раселени како резултат на конфликти и насилство. Бројките претставуваат зголемување на бројот на деца бегалци во светот за 2,2 милиони од 2020 година.

Рекордот е директен резултат на конфликти како оние во Авганистан и Јемен, соопшти УНИЦЕФ, додавајќи дека уште 7,3 милиони деца останале без покрив над главата во 2021 година како резултат на природни катастрофи. УНИЦЕФ ги повика владите ширум светот да ја засилат заштитата на бегалците, мигрантите и децата.

Бидејќи податоците се од крајот на 2021 година, тие не ги вклучуваат украинските деца кои останаа без покрив над главата или беа принудени да избегаат од руската инвазија, која создаде уште 2 милиони деца бегалци од февруари и остави уште 3 милиони раселени.

Освен тоа, децата и нивните семејства се раселени поради екстремни временски настани, како што се сушата во Рогот на Африка и тешките поплави во Индија, Бангладеш и Јужна Африка.

Повеќе од една третина од раселените деца живеат во субсахарска Африка (3,9 милиони или 36 отсто), четвртина во Европа и Централна Азија (2,6 милиони или 25 отсто) и 13 отсто (1,4 милиони) на Блискиот Исток и Северна Африка.

Околу две третини од сите деца бегалци се запишани во основно училиште, додека само околу една третина од адолесцентите бегалци добиваат образование, се вели во соопштението.

Извор: МИА

Би можело да ве интересира

Млади инвоатори ќе ја претставуваат Македонија на глобалниот младински предизвик Generation unlimited – Технологија за планетата 2022

МОТ и УНИЦЕФ: Милијарда и пол деца без семејна или детска помош

Ана Ололовска

УНИЦЕФ: Речиси 100 деца загинаа во април во Украина

А1он

УНИЦЕФ: Потребна е хуманитарна помош за над 12 милиони сириски деца

Ана Ололовска

УНИЦЕФ: Децата не можат да си дозволат дополнителен прекин во наставата

А1он

УНИЦЕФ: Секое второ дете во Украина го напуштило својот дом

Ана Ололовска