УНХЦР: Унгарија да се откаже од строгите правила за азил

Од:

Агенцијата за бегалци на Обединети нации (УНХЦР) го повика унгарскиот премиер Виктор Орбан да се откаже од строгите правила за азил, чии делови го кршат меѓународното право.

Унгарија минатиот месец ги затвори така наречените транзитни зони за мигранти, ослободи околу 300 бегалци, но воведе построги правила и пракса за идните барања на азил, според кои барањето за азил да се поднесе во конзулатите во соседните држави, а не на унгарската граница.

– Тоа би можело да ги изложи барателите на азил на ризик од протерување и лошиот третман, што е кршење на Конвенцијата за бегалци од 1951 година и други меѓународни и регионални инструменти за човекови права, чиј потписник е и Унгарија. Можноста за пристап до територијата е клучен предуслов за правото за барање на азил, се наведува во соопштението на УНХЦР.

Портпаролот на унгарската Влада тврди дека новите правила им пружаат можност на барателите на азил своите барања да ги предадат на регулиран начин.

– Илегалната миграција е спротивна на унгарските и на регулациите на Европска Унија. Поради тоа, во согласност со ставот на унгарскиот народ, Унгарија ќе продолжи да ги штити шенгенските граници на ЕУ од илегална миграција, наведе портпаролот на унгарската Влада.

Би можело да ве интересира

Унгарската полиција спречи влез на повеќе од 600 мигранти

Катерина Павлова-Николовска

Унгарија прва од ЕУ земјите ја одобри руската вакцина „Спутник V“

Жарко Настоски

Унгарија ќе набави вакцини против Ковид-19 од кинеската компанија Синофарм

Ана Ололовска

Новиот вид на коронавирус откриен во Унгарија

Ана Ололовска

Сијарто: Русите и Кинезите нема да им дадат на своите граѓани штетни вакцини

Ана Ололовска

Унгарија почна да ги вакцинира здравствените работници

Ана Ололовска