УНХЦР: Полицијата е виновна за половина од насилството врз мигрантите

Од:

Речиси половина од целокупното насилство врз африканските мигранти во текот на нивното патување до медитеранскиот брег, го врши полицијата, соопшти Агенцијата за бегалци на ОН (УНХЦР).

Според извештајот на УНХЦР и Центарот за миграција на Данскиот совет за бегалци (ММЦ), илјадници бегалци и мигранти се жртви на екстремно злоставување, вклучувајќи малтретирање и сексуално или родово засновано насилство, а во некои случаи има смртни последици.

Извештајот е заснован врз речиси 1.600 спроведени интервјуа со бегалци и мигранти.

– Во 47 отсто од случаите, жртвите пријавиле дека извршители на насилството се полициски службеници, а во минатото се верува дека тоа главно биле криумчарите и трговците со луѓе, изјави Винсент Кохетел, специјален пратеник на УНХЦР за централното Средоземие, на конференција во Женева.

УНХЦР соопшти дека во 2018 и 2019 година загинале 1.750 луѓе, обидувајќи се да стигнат до море, но Кохетел истакна дека реалните бројки се најверојатно поголеми.

Би можело да ве интересира

Чамец со околу 50 мигранти побарал помош во близина на Пелопонез

Ана Ололовска

Над 5.000 бегалци и мигранти сместени во новиот, привремен камп на Лезбос

Ана Ололовска

Десетици мигранти скокнале од спасувачки брод и се обиделе да пливаат до Палермо

А1он

Крај железничката пруга Гевгелија – Скопје во Велес, пронајдени 22 мигранти

Ана Ололовска

Грција: Ако не сакаат, мигрантите на Лезбос насила ќе бидат префрлени во новиот камп

А1он

Продолжуваат процедурите и интервјуата за азил во Лезбос

Ана Ололовска