Унгарската претседателка во Белград: ЕУ и треба на Србија

Од:

Србија и е потребна на Европската унија и затоа Унгарија ќе го поддржи што поскоро пристапување на Западен Балкан во Унијата, изјави во Белград унгарската претседателка Каталин Новак.

dobivaj vesti na viber

„На Европската унија и треба Србија, а не само обратно. Затоа ние ќе го поддржиме пристапувањето на Србија и другите земји од Западен Балкан што е можно поскоро и би ни било драго да видиме тоа да се случи што е можно поскоро. “, изјави Новак по средбата со српскиот претседател Александар Вучиќ, пренесува агенцијата Бета.

Новак рече дека се надева оти доделувањето кандидатски статус на Украина и Молдавија ќе го забрза процесот на европска интеграција на Западен Балкан. Според неа, Србија презела многу сериозни чекори за да одговори на сите барања на ЕУ.

Таа додаде дека пристапувањето на Србија во Шенген зоната ќе го намали метежот и ќе го олесни преминувањето на српско-унгарската граница.

Новак оцени дека војната во Украина нема наскоро да заврши и посочи дека Унгарија ги поддржала сите пакети санкции, но дека поради последиците од санкциите претстои тешка зима не само за Русија, на која и беа воведени санкциите, туку исто така и за цела Европа.

Новак ја презеде функцијата унгарски претседател во мај 2022 година и доаѓа од партијата Фидес на унгарскиот премиер Виктор Орбан.

Би можело да ве интересира

Курти го обвини Вучиќ за бомбите на северот на Косово: Србија ги плаќа криминалците

Катерина Павлова-Николовска

Унгарија ја блокира помошта на ЕУ за Украина, Чешка ја симна од дневен ред

А1он

„Фајненшл тајмс“: Словенија планира да изгради гасовод до Унгарија за алжирски плин

А1он

Телевизиите „Н1“ и „Нова С“ од полноќ не емитуваат програма

Ана Ололовска

Ѓилас: Реални избори во 2023 година на сите нивоа

Ана Ололовска

Српскиот министер за одбрана Милош Вучевиќ најави враќање на воениот рок

А1он