Украинската армија, се чини, го изведе најдлабокиот удар досега на територијата под руска окупација.
„Утрово пристигнаа добри вести, силна детонација во регионот Хеническ“, изјави денеска Серхи Клан, советник на началникот на воената администрација на регионот Керсон, а пренесува Си-Ен-Ен.
Хеническ се наоѓа во јужниот дел на регионот Керсон, во близина на Крим и е оддалечен околу 200 километри од најблиската линија на украинскиот фронт.
„Сè уште чекаме официјална потврда од нашите вооружени сили, но ова е многу добра вест. Детонацијата се слушаше на 1,5 до 2 часа од железничката станица што ги поврзува Крим и Мелитопол“, соопшти Клан.