Украинска телевизија: Исчезната е наша новинарка, веруваме дека ја држат руските сили

Од:

Украинската телевизија Хромадске објави дека нивната новинарка Викторија Рошчина исчезнала на југоистокот на земјата. Медиумот верува дека ја држат руските сили. Последен пат од телевизијата се слушнале со неа на 12 март, ден откако објавила текст од градот Енерходар, кој е окупиран од руските сили.

Украинската комесарка за човекови права Људмила Денисова денеска изјави дека владата верува дека Рошчина е киднапирана во градот Бердјанск на брегот на Црното Море, кој исто така е под руска окупација.

Си-Ен-Ен наведува дека Хромадске е мала телевизиска станица која почнала да работи во 2013 година, а е поврзана со протестите на Мајдан во Киев кои започнаа таа година.

Исчезнувањето на новинарката беше пријавено во време кога други активисти и функционери информираа дека биле приведени во делови на Украина кои ги контролира руската армија. Според организацијата за човекови права ЗМИНА, од почетокот на војната од руските сили заробиле околу 17 лица.

Би можело да ве интересира

ВИДЕО: Нов руски напад на Харков, убиено 13-годишно момче

Путин: Обвинувањата дека Русија ќе ја нападне Европа по Украина се целосна глупост

Русија издаде налог за апсење на шефот на украинската служба за безбедност поради тероризам

Кремљ: Мировни преговори за Украина без учество на Русија се апсурдни

Терористите на ИСИЛ влегуваат во Европа преправајќи се дека се Украинци

Рускиот амбасадор не одговорил на повикот на Полска: Прво понудете докази

Предраг Петровиќ