Евгениј Пригожин, шефот на групата Вагнер, денеска изјави дека продолжуваат жестоките борби во северните делови на Бахмут, кој со недели е во фокусот на вниманието на руските сили. Тој вели дека украинските сили не се повлекуваат.
Пригожин ги отфрли извештаите на руските медиуми дека украинските војници го напуштаат Бахмут. „Украинските сили не се повлекуваат никаде. Се борат до последно“, изјави Пригожин.
„Во северните области има жестоки битки за секоја улица, секоја куќа, секое скалило“, додаде тој.