Украина: Зеленски не се појави на закажана дебата, Порошенко остана сам

Од:

Само една недела пред вториот круг од претседателските избори во Украина, имаше необична ситуација, еден од кандидатите, Володимир Зеленски, не се појави на закажаната дебата со противкандидатот и актуелен претседател Петро Порошенко.

Дебатата беше закажана на најголемиот спортски стадион, а не биле пуштени и гледачите, кои останале пред стадионот и од голем екран гледале како Порошенко одговара на новинарските прашања.

Зеленски го повика Порошенко на дебата на стадион два дена пред вториот круг, кој треба да се одржи на 21 април, но актуелниот претседател на Украина одби, и сакаше таа да се одржи денеска.

Зеленски вели дека не прифатил дебатата да се одржи денеска.

Кратко потоа, Порошенко го повика Зеленски да дојде на дебата в понеделник.

–Владимир Александровиќ, ве повикувам да учествувате во емисијата „Слобода на говор” што ќе се емитува на ИЦТВ. Утре ќе бидам таму. Не плашете се – нема ништо страшно во дебатите, рече Порошенко.

Во првиот круг на претседателските избори, кои се одржаа на 31 март, Зеленски освои 30,24 отсто од гласовите, а Порошенко 15,95 проценти.

Би можело да ве интересира

Зеленски: Дијалог со народот на Донбас, не со лидерите на Републиката

Зеленски: Вашингтон е клучен сојузник на Украина

Се појави уште еден укажувач против Трамп

А1он

„Газета“: Зеленски може ќе биде убиен пред вториот круг од претседателските избори

Предраг Петровиќ

Комичарот Зеленски освои најмногу гласови на изборите во Украина