Украинските власти тврдат дека Русите испраќаат нови единици во регионот на Донбас, пред очекуваната офанзива во наредните недели.
Гувернерот на Доњецк Павло Кириленко потврди дека битките за регионот Доњецк се вжештуваат, додавајќи дека руските сили „уништуваат градови и села“.
Гувернерот на Луганск, Серхи Хајдај, тврди дека гранатирањето во неговата област престанало бидејќи „Русите штедат муниција за офанзива од големи размери“.
Во соопштението од Кабинетот на украинскиот претседател се наведува дека се уште се водат жестоки борби околу Бахмут и блиските градови Соледар и Вухледар.