Војската на Украина денеска преку објава на Фејсбук објави податоци за најновите загуби на руската армија.
Генералштабот на украинските вооружени сили соопшти дека во еден ден се уништени дополнителни осум руски тенкови, од последното оперативно ажурирање вчераутро, со што вкупниот број руски тенкови уништени од почетокот на инвазијата на 24 февруари 2022 година се искачи на 3.197.
Според Генералштабот, руските сили изгубиле и дополнителни 22 оклопни возила и седум артилериски системи. Тие, исто така, наведуваат дека руските сили изгубиле 650 војници во тој временски период, со што бројот на руските загинати во Украина се искачи на 126.160 според Украина.