Кога Советскиот Сојуз се распадна 1991. година, како една од двете светски суперсили, имаше голем нуклеарен арсенал, кој по некои проценки достигнувал и 10.000 мегатони. Оружјето беше распределено по сите републики од бившата држава.
Во моментот кога стекна независност и стана суверена, Украина доби нуклеарно оружје, и претставуваше трета земја во светот по број на стратешко нуклеарно оружје на светот. Украина имаше поголем број боеви глави отколку што имаат Велика Британија, Франција и Кина заедно: 1.900 боеви глави. Се прашувате што се случи со оружјето?!
Украина, под притисокот на светските сили, но и со договор, се одрече од своето нуклеарно оружје во замена за гаранции за украинската независност.
Во 1994. година претседателите на Украина, Русија и САД потпишаа изјава, која ја гарантираа и Франција и Кина, а според која Украина ќе ги уништи нуклеарните бомби, во замена за нејзината независност, суверенитет и територијален интегритет.
Нуклеарките кои ги доби Украина останаа во државата се до 1996 година, кога последните вагони натоварени со атомско оружје ја преминаа границата и влегоа во Руската Федерација.