Мексикански фоторепортер застрелан во глава пред неговата куќа

Од:

Мексикански фоторепортер почина откако беше застрелан во главата пред неговата куќа во северниот пограничен град Тихуана, соопштија официјални лица.

dobivaj vesti na viber

Маргарито Мартинез (49) работи во Тихуана повеќе од 10 години за неколку национални и меѓународни новински куќи, известувајќи за криминал и насилство од банди во градот на американско-мексиканската граница.

Канцеларијата на главниот државен обвинител соопшти дека службениците кои се јавиле на повикот на Брзата помош го пронашле телото на Мартинез пред неговата куќа со повреда на главата предизвикана од огнено оружје.

Еден од неговите колеги рече дека Мартинез бил вклучен во државна програма чија цел била заштита на животите на новинарите.

Тихуана е еден од градовите во Мексико со најмногу насилство поради судирите меѓу нарко бандите кои се борат за шверцерски рути.

Мартинез е вториот новинар убиен оваа година во Мексико, по смртта на Хозе Гамбоа минатата недела во југоисточната држава Веракруз.

Од 2000 до 2021 година, групата за човекови права „Член 19“ регистрирала 145 убиства на новинари во Мексико, а минатата година биле убиени седум новинари.

Извор: МИА

Би можело да ве интересира

Откриен тунел за дрога меѓу Калифорнија и Мексико, уапсени шестмина

Ана Ололовска

Повеќе од сто илјади исчезнати лица во Мексико, расте и бројот случаи на исчезнати мигранти

Ана Ололовска

Убиени уште двајца новинари во Мексико, годинава убиени вкупно 11 медиумски работници

Ана Ололовска

Во Мексико убиен новинар, деветто убиство на медиумски работник оваа година

Трамп планирал да ги уништи нарко-картелите во Мексико со ракетни напади

Отворен камп со украински бегалци кај Мексико Сити

А1он