Индонезиската полиција за борба против тероризмот на островот Батам уапси шест лица за кои постојат сомневања дека планирале напад на Сингапур.
Полицијата имала информации дека групата планирала напади со уште еден терорист на Исламска држава од Сирија.
Групата имала врски со Бахрун Наим, кој во Сирија се бори на страната на Исламска држава.
Тој е еден од организаторите на нападот во централна Џакарта во јануари, каде погинаа осум луѓе.
Островот Батам се наоѓа на 25 километри од Сингапур.