Поранешен ученик во британско училиште во Холандија е уапсен, откако се заканил со масовен вооружен напад.
Момчето, чие име не е соопштено, ги објавил заканите на Интернет, изјави претставник на раководството на британското училиште, кое се наоѓа во холандскиот град Лајден.
– Полицијата не информира дека поранешен ученик во нашето училиште бил уапсен во врска со заканите, упатени до холандско училиште во Лајден, се наведува во соопштението на управата на британското училиште.
Во соопштението се посочува дека ученикот бил исклучен од британското училиште во октомври 2011 година поради инцидент, поврзан со неговото поведение.
– Утре ќе отворам оган кон мојот наставник и кон што е можно поголем број ученици. Станува збор за училиште во холандскиот град Лајден и за нападот ќе употребам девет милиметарски „колт“, се вели во заканата, објвена на американската интернет страница 4chan.org.
Со оглед на тоа дека изутрината не се знаеше за кое училиште станува збор, сите училишта во холандскиот град Лајден беа затворени, а голем број полицајци беа распоредени во нив.