Полицаецот кој со колена го приклешти Афроамериканецот Џорџ Флојд, легнат и во лисици, по што задржаниот почина на место, е уапсен.
Апсењето на полицаецот се случи пет денови по убиството на Флојд.
Во последните 48 часа делови од јужен Минеаполис поминаа низ 48 часа анархија.
Запалени се и вандализирани многу продавници и објекти, вчера беше запалена и полициската станица.
Протестантите на некои места употребуваа и молотови коктели, додека илјадници гневни граѓани дивееја, ограбуваа продавници и запалија повеќе автомобили и објекти во градот.
На помош на полицијата во Минеаполис денеска дојде и Националната гарда на САД.
По апсењето на полицаецот, Дерек Чавин, демонстрантите и граѓанските групи бараат задржување и на тројцата преостанати службеници кои го осигуруваа местото и не сторија ништо да се спречи убиството.
Властите во Минеаполис изјавија дека судењето на Чавин ќе биде „брзо и праведно“.
Задржувањето и убиството на невооружениот Афроамериканец Џорџ Флојд е документирано на камера.
Афроамериканската заедница во градот и насекаде низ САД е згрозена од ова однесување на полицијата.
Протести имаше и во други градови какo Њујорк, каде полицијата се судри со толпа од над илјада луѓа на плоштадот Јунион.