Твитер затвора десетици профили поврзани со Саудиска Арабија

Од:

Социјалната мрежа Твитер соопшти дека открила мрежа на профили кои припаѓаат на Саудиска Арабија, Иран, Куба, Тајланд и Русија, вклучувајќи и мрежа поврзана со саудиската Влада која се претставува како истакнати катарски личности.

Твитер наведува дека ги додал тие мрежи на списокот на мрежи поврзани со владите на тие земји и оти трајно забранил 1.594 профили поради поврзаност со тие мрежи.

Компанијата објасни дека се отстранети 33 профили поврзани со саудиската Влада, кои биле користени за лажно претставување во име на истакнати катарски политички фигури и за објавување приказни поврзани со Катар, кои било во прилог на саудиските власти.

Платформата исто така објави дека затворила 104 профили поврзани со Иран, поради промовирање насилство во САД и злоупотреба на афроамериканските демонстрации и убиството на Џорџ Флојд.

Твитер наведува дека архивата на информациските операции поврзани со државите е единствениот извор на вистината при откривањето на операциите поддржани од држави на платформата.

Твитер исто така нагласи дека прелиминарните податоци ги споделил Опсерваторијата за Интернет Стенфорд за да спроведе независна истрага.

Би можело да ве интересира

Стејт департментот одобри можна продажба на оружје за Саудиска Арабија за 290 милиони долари

Ана Ололовска

Саудиска Арабија ги суспендира сите меѓународни летови

Ана Ололовска

„Хјуман рајтс воч“: Саудиска Арабија малтретира мигранти

Жарко Настоски

Хутите тврдат дека нападнале нафтена постројка во Саудиска Арабија

Жарко Настоски

После 30 години, Ирак и Саудиска Арабија ја отворија границата

Ана Ололовска

Саудиска принцеза ограбена во Париз – крадците „се омрсиле“ со 600.000 евра во накит, чанти и крзно

Жарко Настоски