Туск добил писмо од Џонсон во кое бара одложување на брегзит

Од:

Претседателот на Европскиот совет, Доналд Туск потврди дека синоќа добил писмо од британскиот премиер Борис Џонсон во кое се бара одложување на Брегзит.
Туск наведе дека следат консултации со лидерите на Европската Унија.

Џонсон официјално побара од ЕУ да се пролонгира брегзит, но во исто време испрати и писмо во кое посочува дека тој лично е против одложувањето на излегувањето на Велика Британија од ЕУ.

Британските пратеници вчера со 322 гласови „за“ и 306 „против“ го изгласа амандманот на пратеникот Оливер Летвин, со кој се пролонгира гласањето за договорот за брегзит, што Џонсон во четвртокот го усогласи со ЕУ. Со амандманот на Летвин се обезбедува Џонсон да не може да спроведи брегзит без договор на 31 октомври.

Во меѓувреме, председавачот на Долниот дом на британскиот Парламент, Џон Беркоу изјави дека в понеделник ќе донесе одлука дали ќе и дозволи на Владата да го стави на гласање договорот за брегзит на премиерот Џонсон.

Во Парламентот има правило дека исто прашање не може двапати да се стави на гласање во текот на иста седница.

Би можело да ве интересира

Фудбалер од Премиер лигата обвинет за групно силување

А1он

Рекорден пад на прометот во британската малопродажба

А1он

Велика Британија работи на нов 20-минутен тест за Ковид-19

Ана Ололовска

Оксфам поради финансиски проблеми престанува со работа во 18 земји

Ана Ололовска

Миграциите во Велика Британија од земји надвор од ЕУ се на највисоко ниво

Ана Ололовска

ЕУ: Нема привилегии за В. Британија по Брегзит

А1он