Турска делегација оди во Шведска заради нејзината кандидатура за членство во НАТО

Од:

Турска делегација отпатува во Стокхолм за да разговара за обврските преземени од Шведска и Финска заради членство во НАТО, јави турската приватна телевизија НТВ.

dobivaj vesti na viber

Портпаролот на претседателот Ибрахим Кален и заменикот-министер за надворешни работи Седат Јонал ќе присуствуваат на денешните разговори, на кои ќе се разгледаат чекорите што двете нордиски земји ги презедоа и кои ветуваат дека во иднина ќе ги преземат.

За време на средбата ќе се разговара за теми како што се екстрадиција на членови на групи како Курдската работничка партија (ПКК) и т.н.ФЕТО и ограничување на активностите на терористичките организации.

Минатата недела на зградата на турската амбасада во Стокхолм беа проектирани изјави и фотографии со пропагандни слики на терористички организации, а по инцидентот, Министерството за надворешни работи го повика шведскиот амбасадор во Анкара за да го изрази негодувањето на Турција.

Двете скандинавски земји ги поднесоа своите апликации за членство во НАТО во јуни, но Турција приговори, велејќи дека двете земји толерираат, па дури и поддржуваат терористички групи, вклучително и претставници на ПКК. Според трипартитниот меморандум потпишан во Мадрид, Стокхолм и Хелсинки се обврзаа дека нема да ја поддржуваат ПКК, сириските курдски организации кои Анкара ги смета за ограноци на ПКК, како и, како што ја нарекува Турција, Фетулахистичка терористичка организација (ФЕТО), која турските власти ја обвинуваат за обидот за пуч во Турција во 2016 година.

Извор: МИА

Би можело да ве интересира

САД испраќаат дополнителни трупи во Естонија за да ја зајакнат одбраната на НАТО

Ана Ололовска

Столтенберг: НАТО стравува дека конфликтот во Украина ќе ескалира напролет

А1он

Турција: Шведска мора да направи многу повеќе од една екстрадиција за да влезе во НАТО

А1он

Финската Влада го повика парламентот да го усвои Основниот договор за НАТО

А1он

Ердоган: Турција се подготвува за нов гасен центар преку кој ќе доставува гориво во Европа

А1он

Шведска го екстрадираше во Турција Махмут Тат, осуден за членство на ПКК