Турција со ново „не“ за Шведска и Финска, сега за трилатерална средба

Од:

Турција го отфрли предлогот на НАТО за одржување трилатерални разговори со Финска и Шведска. Состанокот, што условно беше закажан за денеска, не се одржа, пишува „Фајненшл тајмс“, повикувајќи се на извори запознаени со разговорите.

Според извештајот, целта на разговорите била да се најде решение за проблемот што Анкара не го одобрува влезот на Шведска и Финска во Алијансата.

Според извори, пред да се одржат можни трилатерални преговори, Анкара побарала Хелсинки и Стокхолм да дадат конкретни предлози за прекин на врските со Курдската работничка партија, која е забранета во Турција, за што турската страна ги обвинува двете земји.

„Трилатералната средба со посредство на Алијансата беше крајната цел… но ние сè уште не сме стигнале до тоа“, пишува весникот, цитирајќи извор од НАТО.

Да потсетиме, поради настаните во Украина на 18 мај, Финска и Шведска поднесоа барање до генералниот секретар на НАТО за влез во Алијансата.

Турција го блокираше почетокот на процесот на разгледување на овие апликации. Турскиот претседател Реџеп Таип Ердоган изјави дека Анкара не може да каже „да“ за членството на Финска и Шведска во НАТО, бидејќи не може да им верува на нивните гаранции за односите со претставниците на Курдската работничка партија.

Кремљ оцени дека таквиот чекор на двете соседни земји претставува егзистенцијална опасност за земјата, додека портпаролката на руското Министерство за надворешни работи Марија Захарова неодамна изјави дека Русија ги предупредила Финска и Шведска за последиците од нивното влегување во НАТО.

Извор: МИА

Би можело да ве интересира

Џоана: Самитот на НАТО во Мадрид ќе биде историски и ќе донесе добри вести за Романија, но и за Украина

А1он

Албанија ќе испрати свои трупи во Бугарија во источното крило на НАТО

А1он

Генерал Кивинен: Финска со децении се подготвува за руски напад

Ана Ололовска

Јужна Кореја планира да воспостави постојана делегација во НАТО во Брисел

Ана Ололовска

Дваесет хеликоптери и 14 авиони се борат со пожари во Турција

Ана Ололовска

Песков: Русија и Турција договараат црноморски коридор за украинското жито

Ана Ололовска