Турција соопшти дека повеќе од 300 курдски милитанти биле „неутрализирани“ во офанзивата што почна во неделата во северниот дел на Сирија и во северен Ирак.
– Операцијата „Канџа-меч“ е во тек и се извршуваат воздушни напади и има поддршка од копно. Досега се неутрализирани 326 терористи, изјави турскиот министер за одбрана Хулуси Акар.
Анкара го користи терминот „неутрализиран“ за убиени или заробени милитанти.
Цели на турската операција се Единиците за одбрана на народот (ИПГ) и забранетата Курдистанска работничка партија (ПКК). Официјална Анкара ги обвинува ИПГ и ПКК за минатонеделниот напад во Истанбул, при што загинаа шест лица, а беа повредени повеќе од 80.
Извор: МИА