Турција ќе испраќа свои војници во Катар

Од:

Турскиот Парламент вечерва по итна постапка усвои закон со кој и се овозможува на Армијата на Турција да испрати свои војници во Катар.

Законот беше усвоен со 240 гласови на пратениците од владејачка Партија на правдата и развојот (АКП) и на третата по големина опозицискиа сила во Парламентот, Партијата на националиситчка акција (МХП).

Со законот, покрај стационирање на турски војници во база на катарска територија, се предвидува и соработка меѓу Турција и Катар во сферата на одбраната.

Ваквата одлука на Анкара во западните медиуми се оценува како поддршка на Турција за Катар, кој од пред два дена се најде под дипломатска и економска изолација од страна на повеќе арапски земји, кои ја обвинија Доха за поддршка на тероризмот и за финансирање на екстремни исламистички групи.

Катар од своја ги отфрла ваквите обвинувања и најави подготвеност за надминување на кризата преку дијалог.

На одлуката на арапските земји, предводени од Саудиска Арабија и Египет, претходно реагираше и турскиот претседател Реџеп Тајип Ердоган, кој оцени дека изолацијата на Катар нема да ги реши проблемите и најави дека Анкара ќе стори се што е во нејзина можност да посредува во надминувањето на кризата.

Турција има добри односи со Катар, а двете земји го подржуваат исламистичкото движење Муслиманско братство во Египет, како и сириските бунтовнички групи.

Би можело да ве интересира

Турција ги отфрла критиките на ОН за Кипар

Ана Ололовска

Вучиќ му одговори на Ердоган дека ќе се бори ако дојде до лобирање за признавање на Косово

Ана Ололовска

Блинкен: Акциите на кипарските Турци во Вароша се провокативни и неприфатливи

Ана Ололовска

Грчко МНР: Турција да запре со провокациите на Кипар и да се усогласи со меѓународното право

Ана Ололовска

Ердоган: Веднаш можеме да го преземеме управувањето со аеродромот во Кабул, доколку САД не поддржат

Ана Ололовска

Инцидент меѓу турски и кипарски патролен брод

Ана Ололовска