Тројца јеменски војници загинаа, а деветмина се повредени, во самоубиствен напад извршен од страна на припадник на терористичката група Ал Каеда во јужниот дел на Јемен.
Нападот со автомобил-бомба бил извршен врз новосоздадениот воен камп во Лодер, во провинцијата Абјан.
Во овој камп позиции зазедоа војниците од баталјонот 103 на војската, што е лојална на Владата на претседателот Абд Рабу Мансур Хади.
Тој баталјон неодамна доби наредба, по барање на арапската коалиција, што ги поддржува силите на Хади, да заземе позиции во провинцијата Абјан, со цел да се бори против Ал Каеда.