Во јужната авганистанска провинција Хелманд тројца американски војници беа убиени од авганистански полициски командир. Американците биле застрелани откако Авганистанците ги поканиле синоќа на вечера за да разговараат за прашања за безбедноста.
Убиството било извршено во реонот на Саруан Кала, во провинцијата Хелманд. Американците биле од специјалните единици. Портпарол на НАТО потврди дека тројца американски војници се убиени од Авганистанец, но не даде детали.
Такви случаи во кои авганистански полицајци или војници пукаат врз припадници на НАТО сериозно ја поткопаа довербата меѓу сојузниците во момент кога во 2014 се подготвува ИСАФ да ја предаде контролата врз безбедноста на Авганистанците.