Трговците и работниците во неколку поголеми градови во Иран денеска стапија во штрајк додека протестите предизвикани пред повеќе од еден месец поради смртта на младата иранка Курдка Махса Амини по нејзиното апсење продолжуваат, соопштија невладините организации.
Махса Амини (22) почина три дена откако беше уапсена од моралната полиција во Техеран поради непочитување на строгиот кодекс на облекување во Исламската Република, каде жените мораат да ги покриваат главите во јавност.
Најмалку 122 лица, вклучително и деца, беа убиени во задушувањето на протестите, најголеми во Иран од 2019 година кога беа пријавени протести против поскапувањето на бензинот.
Иранките, многумина со непокриени глави, го предводеа денешното протестно движење, извикувајќи антивладини слогани.
Денеска се одржаа нови протести, но тешко е да се процени нивниот обем поради интернет забраната воведена од властите.